Frábær staðsetning miðsvæðis í borginni

Á Orkureitnum við Suðurlandsbraut rís ný 436 íbúða byggð. Nýja hverfið er á einstökum og eftirsóttum stað rétt við Laugardalinn með öllum sínum útivistar-, íþrótta- og afþreyingarmöguleikum. Orkureiturinn er jafnframt í miðpunkti fjölbreyttrar verslunar og þjónustu og væntanleg Borgarlína mun fara þar framhjá.

Fallegt umhverfi og vandaðar byggingar

Á Orkureitnum rísa fallega hönnuð hús en þar verður einnig sérstaklega vandað til verka í allri framkvæmd. Það gildir meðal annars um val á byggingarefnum og þá verður ýmsum nýstárlegum lausnum beitt sem er ætlað að bæta daglegt líf og vellíðan íbúa.

Fallegir inngarðar að evrópskri fyrirmynd munu svo flæða yfir í sameiginlegt rými, Orkutorgið, sem verður vettvangur iðandi mannlífs og jákvæðrar orku.

1 hverfi – 4 áfangar

Á Orkureitnum verða byggð íbúðarhús í fjórum áföngum. Hús A er komið í sölu en þrír aðrir áfangar munu svo bætast við á næstu árum. Samtals verða 436 íbúðir byggðar á reitnum en í húsi A verða 68 íbúðir af ýmsum stærðum sem henta bæði einstaklingum og fjölskyldum. Stórt bílastæðahús verður tengt öllum byggingunum neðanjarðar.

Þá er gert ráð fyrir 4600 m2 atvinnuhúsnæði í Orkuhúsinu og á jarðhæð nýju húsanna með fjölbreyttum verslunar- og þjónusturýmum fyrir íbúa og rekstur á borð við veitingahús og kaffihús.

Hin tímalausa bygging Orkuhússins mun standa áfram í miðpunkti reitsins.

Gæði í framkvæmd

Orkureiturinn á að vera góður staður að búa á. Áhersla er lögð á að íbúðir séu bjartar með góðum loftgæðum og vönduðum og umhverfisprófuðum byggingarefnum auk þess að lóðin sé falleg og þjónusti íbúana vel.

SAFÍR byggingar annast framkvæmdina á Orkureitnum, sem er fyrsti íbúðareitur á Íslandi sem hlýtur alþjóðlegu umhverfisvottunina BREEAM Excellent. Þá er einnig unnið með það að markmiði að íbúðirnar á Orkureitnum verði Svansvottaðar.

Fyrstu íbúðir í áfanga A verða afhentar haustið 2024. Því næst er áformað að afhenda næsta hluta sem eru 134 íbúðir á D reit haustið 2025. B reitur, með 106 íbúðum, verður síðan tilbúinn til afhendingar haustið 2026 og lokaáfangi verkefnisins, C, sem samanstendur af 128 íbúðum, verður svo afhentur haustið 2027.

Sagan

Það sem við köllum í daglegu tali Orkureitinn er stór lóð vestan Grensásvegar sem markast af Suðurlandsbraut að norðan og Ármúla að sunnan. Rafmagnsveita Reykjavíkur byggði höfuðstöðvar sínar á lóðinni á áttunda áratug síðustu aldar en eftir að Rafmagnsveitan og Hitaveitan sameinuðust í Orkuveituna og fluttu upp á Höfða hefur aðalbyggingin verið kölluð Orkuhúsið og margvísleg starfsemi verið á lóðinni. Í húsinu verður áfram atvinnustarfsemi, en hinn sögulegi reitur umhverfis húsið gengur í endurnýjun lífdaga.

Skoða mig um

Hér geturðu skoðað þig um á Orkureitnum í 360° götusýn, frá fjórum mismunandi sjónarhornum.

Fasteignasölur